Aap ka zikr akaila nahiN hony daita

Aap ka zikr akaila nahiN hony daita
Dil ki dunya maiN andhaira nahiN hony daita

Wird-e-jaaN wird-e-zubaaN salle alaa salle alaa
Ye wazeefa hy jo ruswaa nahiN hony daitaa

Gubad-e-khazraa tasawur maiN nazar aata hy
Sabz rang aankhoN ko sehraa nahiN hony daita

Moejiza aap ki rahmat ka hy mairy aaqa
Dehr ko jo tah-o-baala nahiN hony daita

Naqsh-e-na'el-e-shah-e-konain sajaa hy ghar maiN
Koi jaadu koi saaya nahiN hony daita

Noor seeny maiN darood-e-shah-e-lo laak ka hy
Jo kabhi dil mera maila nahiN hony daita

Jis ki aankhoN maiN chamakti ho sunehri jaali
us ko rab dunya ka andha nahiN hony daita

Ishq Aashi shah-e-abraar sy maiN krti hooN
Mujh ko ye ishq hi paspaa nahiN hony daita

Comments