Ashk ban kr ubal rahy ho tum

Ashk ban kr ubal rahy ho tum
Mairi aankhoN maiN jal rahy ho tum

Tum sawiara ho zindagi ka meri
Shaam maiN kysy dhal rahy ho tum

Aaj ki raat khwaab maiN daikha
KahkashaanoN pe chal rahy ho tum

AasmaaN par khila hy pooraa chaand
Ya wohaaN bhi ujal rahy ho tum

Dil maiN aatish fishaan-e-ulfat hy
Aur us sy nikal rahy ho tum

Abr raqsaaN haiN aasmaaN par ya
BaadloN maiN machal rahy ho tum

Barf ny tum ko dhaanp rakha hy
Phir bhi mujh maiN pighal rahy ho tum

Marg-e-Ashi ko dy ky dum apny
Zindagi sy badal rahy ho tum

Comments