Hawaa sy Khushbu chura rahi hooN

Hawaa sy Khushbu chura rahi hooN
Dareechy dil ky sajaa rahi hooN

Jo mairi sochoN ko roshni dain
Nazar maiN sooraj ugaa rahi hooN

Sukhan ki shaaKh-e-khyaal-e-nau par
MaiN raNg-o-khushbu khilaa rahi hooN

Sajaa ky harfoN maiN chaaNd taary
RuKh-e-Ghazal jagmaga rahi hooN

Kasheed Kar ky guloN sy raNgat
Dhanak zameeN pr sajaa rahi hooN

Hisaar kr ky muhabbatoN ka
Diye hawaa maiN jlaa rahi hooN

Azal sy aab-e-hayaat Aashi
Umeed-e-jaaN ko pila rahi hooN

Comments