muhabbat thi ye nadaani nahi thi

muhabbat thi ye nadaani nahi thi
hamain to khud pe heraani nahi thi

mere dil se muhabbat thi usay bas
meri soorat ki deevani nahi thi

muhabbat main bari kathnaiyan theen
muyassar koi aasani nahi thi

bara hi muttaqi lehja tha uska
bas us ki baat yazdaani nahi thi

tumhari ankh num hone se pehle
hamain koi pareshani nahi thi

baqaa milti to tum ko sonp detay
hamari umer laafani nahi thi

Comments