Labels

Thursday, 10 August 2017

Jin per besamri ki tohmat lag jaye

Jin per besamri ki tohmat lag jaye
un perron k chaon ko dukh hotay hain

betay k chehray per zardi kiu chayi?
kese kese maon ko dukh hotay hain

shehron main ja basnay walay kya janain
in logon k gaon ko dukh hotay hain

raston ki dushwari kese samjhay gi
chaalon k bhi paon ko dukh hotay hain

janay kis k gham main badal rota hai
kya pur dard ghataon ko dukh hotay hain?

umren gar be jurm sazaon main guzren
phir to sirf jazaon ko dukh hotay hain

No comments:

Post a Comment