kis ne akhir man ka deep bujhaya hai

kis ne akhir man ka deep bujhaya hai
sannata hi kiu akhir chillaya hai

tum bhi kesi kesi baten kartay ho
kesa kesa tum ne dhong rachaya hai

shakhen bhi to perr k dukh main roi hain
patton ne bhi vaafar shor machaya hai

aaj hamari ankhen itna barsi hain
aaj baras kar savan bhi pachtaya hai

hijr k maron ko youn dasna theek nahi
hum ne kaali raton ko smajhaya hai

aaj hamaray bhaag jagay hain ae logo
aaj hamara sanwal milne aya hai

main ne us ki ankhon se alfaaz chunnay
aor us k honton se geet banaya hai

Comments